Pauliteiros Summer Bar

Durante ls meses de júlio i agosto de 2026, ls Pauliteiros de Sendin tomórun cunta de l bar de la Piscina Municipal de Sendin, dando bida al Pauliteiros Summer Bar.

Este porjeto juntou pauliteiros i pauliteiras nun sfuorço coletibo que fui muito para alhá de la beilça, lebando l spírito de grupo, la dedicaçon i l cumpanheirismo pa un nuobo zafio. Antre l'atendimiento al público, la ourganizaçon de l spácio i la animaçon de l'ambiente de berano, ls elemientos de l grupo trabalhórun juntos, mostrando que la ounion que ls carateriza drento de l terreiro tamien se sente fuora del.

L Pauliteiros Summer Bar fui ua spriéncia de cumbíbio, trabalho i partilha, que deixou refuorçar ls lhaços antre ls elemientos de l grupo i acercar inda mais ls Pauliteiros de la quemunidade de Sendin, ajudando al mesmo tiempo a la sustentablidade i cuntinidade de la associaçon.